Sali Zäme
Am Samschtigzobe si mer do z’Singapur acho. Wo mer zom Floghafe usecho si, hets öis die warmi füechti Loft fascht ufe Rögge ghaue. Es esch onglaublech tropisch do ond me schwetzt bir chlinschte Bewegig. Am Sonntig hei mer chli wöue go shoppe, hei das de aber gli scho weder ufgäh, wöu das do äue am Sonntig e Volkssport esch. D’Ichaufszentre si vou gstopft gse met Lüüt, schlemmer aus am Samschtig im Gäu-Park….So si mer de met dr U-Bahn ome gflitzt ond hei d’Stadt e chli kenne glert. Ufeme Platz hei die do i grosse Wasserbassins sogar e chlini Wakeboard-Vorfüehrig gmacht. Was denne do ned aues i Senn chonnt…!Höt wie mer met eme Doppustöckerbuus, wo me ufem Dach im Freie cha höckle, go e Sightseeing-Tour mache. Mou luege, was Singapur söscht no aues so z’biete het…
Morn z’Obe göi mer de ufe Floghafe ond de gohts rechtig heiszue. Mer fröie öis druuf öich gli weder z’gseh!
Tropischi Grüessli
Rolf und Denise
Montag, 13. Oktober 2008
Donnerstag, 9. Oktober 2008
die letschte Däg...
Gugus
Truurig aber wohr-jetz si mer scho die letschte Däg in Australie! Mer gniesse s’schöne Wätter ond s’flaniere dor die schöni Stadt Perth. Sett öisem letschte Bricht hei mer d’Omgäbig vo Perth e chli besser kenneglert. Mer si uf Rottnest Island, e härzegi Insle im indische Ozean, no mou so rechtig go sönnele ond go bade. S’Wasser esch klar gse wie dehei i dr Badwanne, nome e chlichli chöuter. (het ämu dr Rolf gmeint…) Ond am Mettwoch hei mer öisi letschti Tour gstartet. Mer hei verschedene australische Tier imene Wildlifepark no mou so rechtig chönne gniesse, si id Pinnacles-Wüesti gfahre ond hei die onglaubleche Sandsteiformatione chönne bestuune ond hei öis zom Abschloss vo däm idröckleche Dag im Sanddüne boarde chönne versueche. Mer si ufeme Holzboard d’Sanddünne abegschlettlet ond dr Rolf het grad chli Sehnsocht nachem Snowboarde becho ond het de natürlech das ganze no im Stoh müesse probiere. Es esch ehm erstundlech guet glonge…
Morn wei mer no ad Sunset-Coast go ond hoffe, dass mer e schöne Sonneontergang chöi gse, bevor mer de zom Abschloss vo öisem Australie-Abentür no fein wei go z’Nacht ässe.
Am Samschtig gohts de no för drüü Däg uf Singapur, bevor mer öisi Heireis „müesse“ aträtte.
Tschüüüüsli ond bis gli
Rolf und Denise
Truurig aber wohr-jetz si mer scho die letschte Däg in Australie! Mer gniesse s’schöne Wätter ond s’flaniere dor die schöni Stadt Perth. Sett öisem letschte Bricht hei mer d’Omgäbig vo Perth e chli besser kenneglert. Mer si uf Rottnest Island, e härzegi Insle im indische Ozean, no mou so rechtig go sönnele ond go bade. S’Wasser esch klar gse wie dehei i dr Badwanne, nome e chlichli chöuter. (het ämu dr Rolf gmeint…) Ond am Mettwoch hei mer öisi letschti Tour gstartet. Mer hei verschedene australische Tier imene Wildlifepark no mou so rechtig chönne gniesse, si id Pinnacles-Wüesti gfahre ond hei die onglaubleche Sandsteiformatione chönne bestuune ond hei öis zom Abschloss vo däm idröckleche Dag im Sanddüne boarde chönne versueche. Mer si ufeme Holzboard d’Sanddünne abegschlettlet ond dr Rolf het grad chli Sehnsocht nachem Snowboarde becho ond het de natürlech das ganze no im Stoh müesse probiere. Es esch ehm erstundlech guet glonge…
Morn wei mer no ad Sunset-Coast go ond hoffe, dass mer e schöne Sonneontergang chöi gse, bevor mer de zom Abschloss vo öisem Australie-Abentür no fein wei go z’Nacht ässe.
Am Samschtig gohts de no för drüü Däg uf Singapur, bevor mer öisi Heireis „müesse“ aträtte.
Tschüüüüsli ond bis gli
Rolf und Denise
Sonntag, 5. Oktober 2008
Absched vom Zigünerläbe
G`Day
Ond scho weder esch öber ei Woche verbi sed mer s letscht mou öppis do ine gschrebe hei. D Zyt louft ome no schnäuer omso nöcher as mer as heiflüge chöme, aber mer löi eus ned lo ablänke ond gniesse eusi Zyt do in volle Zög.
Letscht Woche hei mer euse gliebt Camper müesse omegäh. Nach 7 Woche treue, zuverlässige Dienschte, vele loschtige, erläbnisriche ond ome wenige rägnerische Stonde ond 6261 Kilometer entlang der Oschtköschte esch die idrocksriche ond spannendi Zyt am vorletschte Fritig vöu z schnäu verbie gseh. Mer hei es paar Stonde med potze verbrocht bevor mer euse Camper in Melbourne omägäh hei.
Mer hei zwe witeri Nächt in Melbourne verbocht ond am Samschtig hei mer der Rugby AFL Grand-Final medverfolgt. Die 100`000 Plätz em Stadion sie scho lang usverchouft gse ond so hei mer das Schpöu med vöune andere Lüt vor ere Grosslinwand medverfougt. So vöu wie mer medbecho hei esch es e spannendi Partie gse, vöu me hei mer vo de Regle aber ned medbecho…
Vor em Spöu hei sech Denise u eg je för ei Mannschaft entschede, as mer eus ou chli hei chöne medfiebere ond rivalisiere J. Leider hed em letschte Viertu dr Denise ehri Mannschaft agfange bschisse, der Schiri hed ne ghoufe, d`Sonne hed bländet ond der Wend hed gchutet ond bes am Schloss hed mini Mannschaft höchus verlore! D Auschtralier hei gmeint mini Mannschaft sig eifach nöm konzentriert gse, aber die chöme jo gar ned druus…
Am Sonntigmorge si mer i auer Hergottsfrüeh a Floghafe ond nach Alice Springs gfloge. Mer si scho gli em Hotel gse, hei aber no müesse warte bes mer am 2 ufs Zemmer hei chöne. So si mer chorzentschlosse i s Restaurant näb em Hotel zom serschte mou dr Dorscht lösche. Be gäge 40 Grad em Schatte es ou ned s letscht mou gseh…
Chum abghocket hei mer scho Bekanntschaft med typische Australier gmacht: höufsbereit ond emmer dorschtig. Mer hei zäme gspröchelt ond hei veli Tips öber ehri Heimatstadt Perth becho, leider hei mer se zwe Stond spöter nömm verstande…
Der Mändig hei mer am Pool verbocht, hei chli badet, gläse ond eus för eusi Tour gstärcht wo am Dsischtig gstartet esch. Mer si för drüü Däg id Wüeschti gfahre ond hei veli tolli Sache chöne go aluege. Mer hei a Canyon bewanderet, i total abglägni Gasthüser Wasser ond Bier gchouft ond wöudi Kamel gseh. Zobe hei mer onder freiem Hemmu chöne öbernachte ond der ongloublech Stärnehemmu beschtune bes eim d Ouge zugheit si…
Aber vorauem hei mer der Ayers Rock, oder Uluru wie d Uhriwohner säge, bsuecht ond dr Sonneondergang ond am nöchschte Dag der Sonneufgang a däm idröckleche Monolith chöne bestuhne. Das esch omwärfend gse!
Ond etz si mer in Perth a der Weschtköschte. Leider esch das ou scho öisi letschti Destination i däm ongloublech tolle Land. Nach ome eim Dag fühle mer eus do scho wie Deheim…
Am Fritig gohts weder a Floghafe ond mer verlöi Australie om en Singapur euse Urlaub lo usklenge. Ond scho gli lande mer weder ir Schwiiz, mer probiere e chli australischi Früehligssonne med heizbrenge as der ou nochli öppis derfo heid…
Liebi Grüess ond bes gli
Denise ond Rolf
Ond scho weder esch öber ei Woche verbi sed mer s letscht mou öppis do ine gschrebe hei. D Zyt louft ome no schnäuer omso nöcher as mer as heiflüge chöme, aber mer löi eus ned lo ablänke ond gniesse eusi Zyt do in volle Zög.
Letscht Woche hei mer euse gliebt Camper müesse omegäh. Nach 7 Woche treue, zuverlässige Dienschte, vele loschtige, erläbnisriche ond ome wenige rägnerische Stonde ond 6261 Kilometer entlang der Oschtköschte esch die idrocksriche ond spannendi Zyt am vorletschte Fritig vöu z schnäu verbie gseh. Mer hei es paar Stonde med potze verbrocht bevor mer euse Camper in Melbourne omägäh hei.
Mer hei zwe witeri Nächt in Melbourne verbocht ond am Samschtig hei mer der Rugby AFL Grand-Final medverfolgt. Die 100`000 Plätz em Stadion sie scho lang usverchouft gse ond so hei mer das Schpöu med vöune andere Lüt vor ere Grosslinwand medverfougt. So vöu wie mer medbecho hei esch es e spannendi Partie gse, vöu me hei mer vo de Regle aber ned medbecho…
Vor em Spöu hei sech Denise u eg je för ei Mannschaft entschede, as mer eus ou chli hei chöne medfiebere ond rivalisiere J. Leider hed em letschte Viertu dr Denise ehri Mannschaft agfange bschisse, der Schiri hed ne ghoufe, d`Sonne hed bländet ond der Wend hed gchutet ond bes am Schloss hed mini Mannschaft höchus verlore! D Auschtralier hei gmeint mini Mannschaft sig eifach nöm konzentriert gse, aber die chöme jo gar ned druus…
Am Sonntigmorge si mer i auer Hergottsfrüeh a Floghafe ond nach Alice Springs gfloge. Mer si scho gli em Hotel gse, hei aber no müesse warte bes mer am 2 ufs Zemmer hei chöne. So si mer chorzentschlosse i s Restaurant näb em Hotel zom serschte mou dr Dorscht lösche. Be gäge 40 Grad em Schatte es ou ned s letscht mou gseh…
Chum abghocket hei mer scho Bekanntschaft med typische Australier gmacht: höufsbereit ond emmer dorschtig. Mer hei zäme gspröchelt ond hei veli Tips öber ehri Heimatstadt Perth becho, leider hei mer se zwe Stond spöter nömm verstande…
Der Mändig hei mer am Pool verbocht, hei chli badet, gläse ond eus för eusi Tour gstärcht wo am Dsischtig gstartet esch. Mer si för drüü Däg id Wüeschti gfahre ond hei veli tolli Sache chöne go aluege. Mer hei a Canyon bewanderet, i total abglägni Gasthüser Wasser ond Bier gchouft ond wöudi Kamel gseh. Zobe hei mer onder freiem Hemmu chöne öbernachte ond der ongloublech Stärnehemmu beschtune bes eim d Ouge zugheit si…
Aber vorauem hei mer der Ayers Rock, oder Uluru wie d Uhriwohner säge, bsuecht ond dr Sonneondergang ond am nöchschte Dag der Sonneufgang a däm idröckleche Monolith chöne bestuhne. Das esch omwärfend gse!
Ond etz si mer in Perth a der Weschtköschte. Leider esch das ou scho öisi letschti Destination i däm ongloublech tolle Land. Nach ome eim Dag fühle mer eus do scho wie Deheim…
Am Fritig gohts weder a Floghafe ond mer verlöi Australie om en Singapur euse Urlaub lo usklenge. Ond scho gli lande mer weder ir Schwiiz, mer probiere e chli australischi Früehligssonne med heizbrenge as der ou nochli öppis derfo heid…
Liebi Grüess ond bes gli
Denise ond Rolf
Dienstag, 23. September 2008
Great Ocean Road
Hallihallo zäme,
dr Rouf het sech jetz grad met em dräckige Gschirr vom z’Nachtässe zum Abwäsche dervo gmacht ond me gheisse, weder mou öbbis i öise Blogg z’schribe. Mer esch das natürli no so rächt. Schliesslech weiss e nie, wie lang dass e no so verwöhnt werde….- Nenei, är esch jo scho e Guete!!!
Am letschte Mettwoch hei mer Melbourne erreicht ond hei vo dört us öises Abentüür zum Uluru chönne buche. Jetz esch sowit aues fix. Am nöchschte Sonntig flüge mer vo Melbourne nach Alice Springs id Wüesti vo Australie. Vo dört us mache mer e drüü dägigi Tour dors „red centre“ (s’Härz vo Australie). Nachhär flüge mer de vo Alice Springs nach Perth i Weste, wo mer de scho öisi letschti Woche in Australie wärde verbringe…
Vo Melbourne hei mer söscht bis jetz noni so vöu gseh. Mer si fangs go shoppe ond dr Rouf esch go d’Hoor schnide. Nach zwöi Däg si mer nämlech scho weder ufbroche ond hei nis „d’Great Ocean Road“ zum Ziel gno. Das esch e länge Strosseabschnett, wo die meischti Zyt diräkt dr Köschte noche füehrt. So gseht me vom Auto us diräkt ufs offene Meer. Das esch wäuz idröcklech gse ond mer hei mänge Stopp zum gniesse ond fötele igleit. Am Ändi vo dr „Great Ocean Road“ si mer de z‘Warrnambool acho. Das esch es chlises härzigs Städli, wo mers guet no chli länger hätte chönne ushaute. Z’Obe si mer de fein go z’Nachtässe ond si e Wasser-Liecht–Show, wo vorosse statt gfonde het, go luege. I dere Vorfüehrig hei si d’Gschecht vomene Schiffsonglöck ar Köschte vo Südaustralie nochegschpöut. Das het sech wörkli glohnt!
Jetz si mer z’Ballarat ond hei för morn scho weder einiges vor. Mer wie i alti Dorfteil vo däm Städtli go, wo sech vor guet 150 Johr aues oms Goud sueche dräit het. Wenn mer Loscht hei chöi mer öis au dra versueche… Morn am Nomitag gohts de för öis weder rechtig Melbourne, wo mer de öisi letschte zwöi Nächt i öisem geliebte Camper wärde verbringe, schnüff… Am Fritig müesse mer dä nämlech scho z’Melbourne zrogg gäh. Damet mer de vom Fritig a ned uf dr Stross müesse läbe, hei mer scho es chlises Hüsli ufem Campingplatz gmietet. So wärde mer die letschte Nächt in Melbourne verbringe, bevor mer am Sonntig is Flogzüg nach Alice Springs stiige.
Liebi Grüessli vo de zwöi Goudgräber
Denise und Rolf
dr Rouf het sech jetz grad met em dräckige Gschirr vom z’Nachtässe zum Abwäsche dervo gmacht ond me gheisse, weder mou öbbis i öise Blogg z’schribe. Mer esch das natürli no so rächt. Schliesslech weiss e nie, wie lang dass e no so verwöhnt werde….- Nenei, är esch jo scho e Guete!!!
Am letschte Mettwoch hei mer Melbourne erreicht ond hei vo dört us öises Abentüür zum Uluru chönne buche. Jetz esch sowit aues fix. Am nöchschte Sonntig flüge mer vo Melbourne nach Alice Springs id Wüesti vo Australie. Vo dört us mache mer e drüü dägigi Tour dors „red centre“ (s’Härz vo Australie). Nachhär flüge mer de vo Alice Springs nach Perth i Weste, wo mer de scho öisi letschti Woche in Australie wärde verbringe…
Vo Melbourne hei mer söscht bis jetz noni so vöu gseh. Mer si fangs go shoppe ond dr Rouf esch go d’Hoor schnide. Nach zwöi Däg si mer nämlech scho weder ufbroche ond hei nis „d’Great Ocean Road“ zum Ziel gno. Das esch e länge Strosseabschnett, wo die meischti Zyt diräkt dr Köschte noche füehrt. So gseht me vom Auto us diräkt ufs offene Meer. Das esch wäuz idröcklech gse ond mer hei mänge Stopp zum gniesse ond fötele igleit. Am Ändi vo dr „Great Ocean Road“ si mer de z‘Warrnambool acho. Das esch es chlises härzigs Städli, wo mers guet no chli länger hätte chönne ushaute. Z’Obe si mer de fein go z’Nachtässe ond si e Wasser-Liecht–Show, wo vorosse statt gfonde het, go luege. I dere Vorfüehrig hei si d’Gschecht vomene Schiffsonglöck ar Köschte vo Südaustralie nochegschpöut. Das het sech wörkli glohnt!
Jetz si mer z’Ballarat ond hei för morn scho weder einiges vor. Mer wie i alti Dorfteil vo däm Städtli go, wo sech vor guet 150 Johr aues oms Goud sueche dräit het. Wenn mer Loscht hei chöi mer öis au dra versueche… Morn am Nomitag gohts de för öis weder rechtig Melbourne, wo mer de öisi letschte zwöi Nächt i öisem geliebte Camper wärde verbringe, schnüff… Am Fritig müesse mer dä nämlech scho z’Melbourne zrogg gäh. Damet mer de vom Fritig a ned uf dr Stross müesse läbe, hei mer scho es chlises Hüsli ufem Campingplatz gmietet. So wärde mer die letschte Nächt in Melbourne verbringe, bevor mer am Sonntig is Flogzüg nach Alice Springs stiige.
Liebi Grüessli vo de zwöi Goudgräber
Denise und Rolf
Dienstag, 16. September 2008
Wandervögu
Gugus
Sit höt hets es paar nöii Föteli vo dr Füehrig dors Opera House in Sydney i öisem Fotialbom. Das esch ächt es onvergässlechs Erläbnis gse. Es esch öberwäutigend, wenn me das riese Konschtwärk mou chli cha vo enne gse. Zom Abschloss vo öisem Sydney Ufenthaut si mer de no fein am Hafe go z’Nachtässe.
Geschter si mer id Huusbärge vo Sydney“i de Blue Mountains“ go e Usflog mache. Drbi hei mer öbis gmacht, wo mer no nie vorhär zäme gmacht hei….- mer si go WANDERE…!!!Mer dänke, dass öis das öisi Öutere gar ned rächt glaube, si mer zwöi doch set eh ond je zwöi Wander-Moffu. Aber dä Usflog geschter esch ächt suuuper gse. Z’erscht hei mer met ehre Gondelbahn e Schlocht öberquert, si nachhär 1000 Stägetrett zdorab gloffe ond hei de e wonderschöne Spaziergang dore Waud gmacht. Zrog ufe Gipfu si mer de met dr steilschte Standseilbahn vor Wäut chauffiert worde. Aues in Auem het das Ganze öbe drüü Stond duuret. Zrog ufem Gipfu si mer de no is Restaurant go ichere, wie sech das nach ere rechtige Wanderig au ghört…J
Höt hei mer öis zum Ziel gno, d’Hauptstadt vo Australie chli go azluege. Mer müesse aber wörkli säge, dass mer öis meh vo dereStadt erhofft hei. Öis hets ned wörkli guet gfaue ond so si mer nacheme chorze Abstächer bim Parlamentshuus weder i öise Camper gstege ond wiiter rechtig Melbourne greist. Drbi hei mer weder e onglublech vöusitigi landschaft durchquert ond schlossändlech es Bijou vomene Campingplatz gfonde. Zom Z’Nacht hei mer höt Pfäffersteak, Teigware ond Gmües kochet, hmmm esch wäutklass gse.
Heits no guet, liebi Grüess
Rolf ond Denise
Sit höt hets es paar nöii Föteli vo dr Füehrig dors Opera House in Sydney i öisem Fotialbom. Das esch ächt es onvergässlechs Erläbnis gse. Es esch öberwäutigend, wenn me das riese Konschtwärk mou chli cha vo enne gse. Zom Abschloss vo öisem Sydney Ufenthaut si mer de no fein am Hafe go z’Nachtässe.
Geschter si mer id Huusbärge vo Sydney“i de Blue Mountains“ go e Usflog mache. Drbi hei mer öbis gmacht, wo mer no nie vorhär zäme gmacht hei….- mer si go WANDERE…!!!Mer dänke, dass öis das öisi Öutere gar ned rächt glaube, si mer zwöi doch set eh ond je zwöi Wander-Moffu. Aber dä Usflog geschter esch ächt suuuper gse. Z’erscht hei mer met ehre Gondelbahn e Schlocht öberquert, si nachhär 1000 Stägetrett zdorab gloffe ond hei de e wonderschöne Spaziergang dore Waud gmacht. Zrog ufe Gipfu si mer de met dr steilschte Standseilbahn vor Wäut chauffiert worde. Aues in Auem het das Ganze öbe drüü Stond duuret. Zrog ufem Gipfu si mer de no is Restaurant go ichere, wie sech das nach ere rechtige Wanderig au ghört…J
Höt hei mer öis zum Ziel gno, d’Hauptstadt vo Australie chli go azluege. Mer müesse aber wörkli säge, dass mer öis meh vo dereStadt erhofft hei. Öis hets ned wörkli guet gfaue ond so si mer nacheme chorze Abstächer bim Parlamentshuus weder i öise Camper gstege ond wiiter rechtig Melbourne greist. Drbi hei mer weder e onglublech vöusitigi landschaft durchquert ond schlossändlech es Bijou vomene Campingplatz gfonde. Zom Z’Nacht hei mer höt Pfäffersteak, Teigware ond Gmües kochet, hmmm esch wäutklass gse.
Heits no guet, liebi Grüess
Rolf ond Denise
Donnerstag, 11. September 2008
Sydney
Heyhey,
onglaublech wie die Zyt vergoht. In Australie laufe glaub d’Uhre dopplet so schnäu wie ir Schwiiz…
Sett em letschte Reisebrecht vo öis, hei mer scho weder vöu erläbt. Nach Surfers Paradise si mer wiiter dr Oschtköschte entlang Rechtig Sydney greist. Mer hei mehreri Stops i chlinere Ortschafte wie Bayron Bay, Coffs Harbour, Forsters und Newcastle gmacht. In Bayron Bay hei mer no tiptpo schöns Wätter gha ond es esch no mou so rechtig warm gse. Nachhär hei mer de au mou chönne erläbe, was es heisst, wenns do mou so rechtig rägnet. (Coffs Harbour ond Forsters) Mer si froh gse, dass öises mobile Dehei däm velä Räge stand ghaute het. So hei mer de vöu Zyt met spelä (mer hei öis do es nöis Speli kouft), läse ond schlemmä verbrocht. Es esch öis auso öberhaupt ned längwiilig worde. Trotzdäm si mer de au froh gse, wo’s Wätter nach drüü Däg weder besserer worde esch. Sett am letschte Sonntig wohne mer do chli osserhaub vo Sydney ufem e schöne Campingplatz. So chöi mer jede Dag ohni Stress per Bus oder Fähri id City pändle. Sydney esch e suuuper schöni Stadt. Me cha do so vöu gseh ond mache, me weiss gar ned rächt wo me söu afoh. Nachdäm mer öis am Sonntignomitag met Infomaterial ideckt hei, si mer e erschte Blick ofs wäutbekannte Opera House ond die idröcklechi Harbour Bridge go wärfe. Am Mäntig hei mer de e 5-Tages Pass glöst, med däm chei mer i dere Zit aui Fährine ond Büs onbegränzt bruche. Das esch e tiptopi Sach, wöu so chöi mer wäuz flexibu si ond das mache, wo mer grad Loscht drzue hei. Sit am Mäntig hei mer scho so mängi Fahrt im Hafe vo Sydney gmacht, si ufene Ussichtsponkt vor Harbour Bridge gange, hei dr Huusstrand vo Sydney (dr Bondi Beach) bsuecht, hei verschedeni Stadtteile onsecher gmacht ond geschter z’Obe met Blick uf d’Harbour Bridge z’Nacht gässe. För die nöchschte zwöi Däg hei mer no folgendi Plän: e Füehrig im Opera House go metmache, dor verschedeni Märkt schlenderä, go shoppe i de riese Ichoufszenträ, s’Power House-Museum (ähndlech wies Verchehrshuus) go aluege,ond, ond ond. Wie der chöit gseh, werds eim do ned eso schnäu lanwilig…Öis gfauts do rechtig guet ond S’Wätter zeigt sech bis jetz au for beschte Siite. Obwou mer do jetz dütlech merke, dass es nöm e so warm esch wie em Norde.
Ganz liebi Grüessli vo de zwöi Grossstadt-Landeier
onglaublech wie die Zyt vergoht. In Australie laufe glaub d’Uhre dopplet so schnäu wie ir Schwiiz…
Sett em letschte Reisebrecht vo öis, hei mer scho weder vöu erläbt. Nach Surfers Paradise si mer wiiter dr Oschtköschte entlang Rechtig Sydney greist. Mer hei mehreri Stops i chlinere Ortschafte wie Bayron Bay, Coffs Harbour, Forsters und Newcastle gmacht. In Bayron Bay hei mer no tiptpo schöns Wätter gha ond es esch no mou so rechtig warm gse. Nachhär hei mer de au mou chönne erläbe, was es heisst, wenns do mou so rechtig rägnet. (Coffs Harbour ond Forsters) Mer si froh gse, dass öises mobile Dehei däm velä Räge stand ghaute het. So hei mer de vöu Zyt met spelä (mer hei öis do es nöis Speli kouft), läse ond schlemmä verbrocht. Es esch öis auso öberhaupt ned längwiilig worde. Trotzdäm si mer de au froh gse, wo’s Wätter nach drüü Däg weder besserer worde esch. Sett am letschte Sonntig wohne mer do chli osserhaub vo Sydney ufem e schöne Campingplatz. So chöi mer jede Dag ohni Stress per Bus oder Fähri id City pändle. Sydney esch e suuuper schöni Stadt. Me cha do so vöu gseh ond mache, me weiss gar ned rächt wo me söu afoh. Nachdäm mer öis am Sonntignomitag met Infomaterial ideckt hei, si mer e erschte Blick ofs wäutbekannte Opera House ond die idröcklechi Harbour Bridge go wärfe. Am Mäntig hei mer de e 5-Tages Pass glöst, med däm chei mer i dere Zit aui Fährine ond Büs onbegränzt bruche. Das esch e tiptopi Sach, wöu so chöi mer wäuz flexibu si ond das mache, wo mer grad Loscht drzue hei. Sit am Mäntig hei mer scho so mängi Fahrt im Hafe vo Sydney gmacht, si ufene Ussichtsponkt vor Harbour Bridge gange, hei dr Huusstrand vo Sydney (dr Bondi Beach) bsuecht, hei verschedeni Stadtteile onsecher gmacht ond geschter z’Obe met Blick uf d’Harbour Bridge z’Nacht gässe. För die nöchschte zwöi Däg hei mer no folgendi Plän: e Füehrig im Opera House go metmache, dor verschedeni Märkt schlenderä, go shoppe i de riese Ichoufszenträ, s’Power House-Museum (ähndlech wies Verchehrshuus) go aluege,ond, ond ond. Wie der chöit gseh, werds eim do ned eso schnäu lanwilig…Öis gfauts do rechtig guet ond S’Wätter zeigt sech bis jetz au for beschte Siite. Obwou mer do jetz dütlech merke, dass es nöm e so warm esch wie em Norde.
Ganz liebi Grüessli vo de zwöi Grossstadt-Landeier
Sonntag, 31. August 2008
Brisbane
Hey guys,
Jetz esch es scho weder es Wili här, sett mer öich s’letschte Mou ufem laufende ghaute hei. Mer hei die letschte vier Nächt ufeme Campingplatz ganz ir Stadtnöchi vo Brisbane verbrocht. Am Donnschtig si mer in Brisbane go shoppe wöu s’Wätter ned so guet gse esch. Am Friti hei mer e Sightseeing-Tour per Bus gmacht. Das esch no e gueti Sach gse. Mer hei för e ganze Dag es speziells Busticket glöst ond hei de a verschedene Statione chönne usstige ond Sache go aluege ond schpöter weder i Bus istige ond dört ane witterfahre, wo mer dr nöchschti Haut hei wöue mache. Am Samschtig hei si z’Brisbane s „river festival“ gfiret. Das söu do glichzitig au dr Alass si zom dr Winter z’verabschedä. Z’Obe hei mer es haubschtöndigs Füürwärch mets ir City chönne beschtuune. Mer hei per Zuefau e rechtig guete Platz ergatteret zom das Spektaku metzerläbe. In Brisbane esch das glaub wörkli e riese Sach. Do hets Lüüt gäh wo sett am Mettag met Campingschtüeu, Schlofsäck ond Chüeuboxene am Flussufer ghocket si, damet se sech e exklusive Platz hei chönne sechere. Es esch glaub ned nome ome guete Platz gange. So wies öis dönkt het, hei die Lüüt das gnosse, dr Dag so am Flussufer met picknicke ond plöiderle z’verbringe. Aus in Auem esch Brisbane e schöni, suberi Stadt met eme mega guet organisierte öffentleche Verchehrsnetz. Do hei sogar mer Schwiizeer nome gschtunedJ!!!
Höt am Morge si mer de nach eme feine z’Morge nach Surfers Paradise ufbroche. Wöus Wätter höt guet gse esch, si mer chli a Strand gläge ond hei d’Sonne so rechtig chönne gniesse. S’Denise het sogar e Schwomm im Meer gmacht während der Rouf i sim änglische Buech versonke esch…Sandigi Grüessli vo de beide Zigüner
Jetz esch es scho weder es Wili här, sett mer öich s’letschte Mou ufem laufende ghaute hei. Mer hei die letschte vier Nächt ufeme Campingplatz ganz ir Stadtnöchi vo Brisbane verbrocht. Am Donnschtig si mer in Brisbane go shoppe wöu s’Wätter ned so guet gse esch. Am Friti hei mer e Sightseeing-Tour per Bus gmacht. Das esch no e gueti Sach gse. Mer hei för e ganze Dag es speziells Busticket glöst ond hei de a verschedene Statione chönne usstige ond Sache go aluege ond schpöter weder i Bus istige ond dört ane witterfahre, wo mer dr nöchschti Haut hei wöue mache. Am Samschtig hei si z’Brisbane s „river festival“ gfiret. Das söu do glichzitig au dr Alass si zom dr Winter z’verabschedä. Z’Obe hei mer es haubschtöndigs Füürwärch mets ir City chönne beschtuune. Mer hei per Zuefau e rechtig guete Platz ergatteret zom das Spektaku metzerläbe. In Brisbane esch das glaub wörkli e riese Sach. Do hets Lüüt gäh wo sett am Mettag met Campingschtüeu, Schlofsäck ond Chüeuboxene am Flussufer ghocket si, damet se sech e exklusive Platz hei chönne sechere. Es esch glaub ned nome ome guete Platz gange. So wies öis dönkt het, hei die Lüüt das gnosse, dr Dag so am Flussufer met picknicke ond plöiderle z’verbringe. Aus in Auem esch Brisbane e schöni, suberi Stadt met eme mega guet organisierte öffentleche Verchehrsnetz. Do hei sogar mer Schwiizeer nome gschtunedJ!!!
Höt am Morge si mer de nach eme feine z’Morge nach Surfers Paradise ufbroche. Wöus Wätter höt guet gse esch, si mer chli a Strand gläge ond hei d’Sonne so rechtig chönne gniesse. S’Denise het sogar e Schwomm im Meer gmacht während der Rouf i sim änglische Buech versonke esch…Sandigi Grüessli vo de beide Zigüner
Dienstag, 26. August 2008
Tierisches...
G’day
Em Momänt höckle mer grad vor eusem mobile Dehei ond gniesse d Obesonne. Mer hei do en Colundra e super Campingplatz gfonde; mer chei direkt vo eusem Laptop es Internet.
Vorgeschter am morge hei mer öppis wäuz imposants dörfe meterläbe:
Mer si am morge früeh ufgstande ond hei nis ohni zmorge uf e wäg a Hafe in Tin Can Bay gmacht. Das esch es chlises Näscht wo chum öppis los esch. Osser am morge früeh!
Vor öber 50 Johr hed dört e Fescher e Delphin schwär verletzt ond de med a Hafe gnoh zom ne gsond pfläge. Set denn chöme dört fasch au morge Delphine direkt as Ufer ond wärde dört gfueret. Mer hei das säuber dörfe mederläbe ond sogar ou e Fisch fuere. Eifach ongloublech was dass för tolli Tier si!
Das ganze wird vo freiwellige Häufer doregfüehrt ond esch wörkli super gmacht. Die passe uf as die Delphin ned zvöu Fesch öberchöme, so dass se säuber ouno müesse go Nahrig suechä. Ou hets gar ned eso vöu Lüt gha, das ganze esch nämlech meh e Gheimtipp! Mer heis ou ome gwösst wöu es australischs Päärli, wo mer uf eme Campingplatz atroffe hei, eus dä Tipp geh hed.
Geschter si mer de vo Noosa us is Underwater-World Aquarium gange. Dört hei mer wäuz vöu interessanti Meehresbewohner chönne beschtuune, wie onteranderem dr Nemo ond s’Dori. Am beschte het öis aber e 80m langs Onterwasser-Tunnel gfaue. Vo dört us hei mer sogar Haie chöne gseh, wo grad näbe oder öber öis dore gschwomme si.
Ond höt esch es grad tierisch wiitergange. Mer hei dr Australia Zoo i dr Nöchi vo Brisbane bsuecht. Dä Zoo esch wörkli super gmacht, die Tier hei riesig vöu Platz. Sogar em Rouf, wo schösch ned so e Zoo-Fan esch, hed das gfaue. Mer hei chöne Känguhrus ond Koalas strichle, Elefante fuärä ond e hufä anderi astralischi Tier chöne bestune.
Ond gli si mer de scho in Brisbane wo mer secher es paar Däg wärde verbrenge…
Mer wönesche euch e schöni Zit, liebi Grüess
Denise ond Rolf
Em Momänt höckle mer grad vor eusem mobile Dehei ond gniesse d Obesonne. Mer hei do en Colundra e super Campingplatz gfonde; mer chei direkt vo eusem Laptop es Internet.
Vorgeschter am morge hei mer öppis wäuz imposants dörfe meterläbe:
Mer si am morge früeh ufgstande ond hei nis ohni zmorge uf e wäg a Hafe in Tin Can Bay gmacht. Das esch es chlises Näscht wo chum öppis los esch. Osser am morge früeh!
Vor öber 50 Johr hed dört e Fescher e Delphin schwär verletzt ond de med a Hafe gnoh zom ne gsond pfläge. Set denn chöme dört fasch au morge Delphine direkt as Ufer ond wärde dört gfueret. Mer hei das säuber dörfe mederläbe ond sogar ou e Fisch fuere. Eifach ongloublech was dass för tolli Tier si!
Das ganze wird vo freiwellige Häufer doregfüehrt ond esch wörkli super gmacht. Die passe uf as die Delphin ned zvöu Fesch öberchöme, so dass se säuber ouno müesse go Nahrig suechä. Ou hets gar ned eso vöu Lüt gha, das ganze esch nämlech meh e Gheimtipp! Mer heis ou ome gwösst wöu es australischs Päärli, wo mer uf eme Campingplatz atroffe hei, eus dä Tipp geh hed.
Geschter si mer de vo Noosa us is Underwater-World Aquarium gange. Dört hei mer wäuz vöu interessanti Meehresbewohner chönne beschtuune, wie onteranderem dr Nemo ond s’Dori. Am beschte het öis aber e 80m langs Onterwasser-Tunnel gfaue. Vo dört us hei mer sogar Haie chöne gseh, wo grad näbe oder öber öis dore gschwomme si.
Ond höt esch es grad tierisch wiitergange. Mer hei dr Australia Zoo i dr Nöchi vo Brisbane bsuecht. Dä Zoo esch wörkli super gmacht, die Tier hei riesig vöu Platz. Sogar em Rouf, wo schösch ned so e Zoo-Fan esch, hed das gfaue. Mer hei chöne Känguhrus ond Koalas strichle, Elefante fuärä ond e hufä anderi astralischi Tier chöne bestune.
Ond gli si mer de scho in Brisbane wo mer secher es paar Däg wärde verbrenge…
Mer wönesche euch e schöni Zit, liebi Grüess
Denise ond Rolf
Samstag, 23. August 2008
Fraser Island
Hallihallo,
jetz reise mer de gli wiiter rechtig Brisbane, aber vorhär hei mer öich no chli öbbis vo öisem letschte Abentüür wöue verzöue. Mer si geschter z’Obe zrog cho vonere zwöitägige Tour uf der grösste Sandinsle vo dr Wäut, Fraser Island. Wättermässig hättis no chli besser chönne si, aber was mer gseh ond erläbt hei esch eifach traumhaft gse. Aber am beschte föi mer mou vo vore a: Am Donnschtig si mer do in Hervey Bay met eme Bus abghout worde ond si de per Fähri uf Fraser Island chauffiert worde. Dört hei mer de e 4x4 Car beschtege ond hei öisi gfüerti Tour gstartet. Z’erscht si mer i Rägewaud gange. Das esch wäuz schön gse ond mer hei riesigi Bäum gse, wo meh aus 600 Johr aut si. Denn het öis dr Wäg witer zumene krischtauklare Bach gfüehrt, wo mer drin hei chönne es Stöckli wiit laufe. Nachem Mettagässe si mer de no ane Ussichtsponkt gange, wo mer wörkli öber es grosses Teili vo dere Insle hei chönne luege. Ond zom Abschloss vom erschte Dag hei mer bim Schiffswrack „Maheno" e Stopp igleit. Das esch wäuz imposant gse. Denn si mer ines Hotel go öisi Zemmer bezieh. Dört het scho weder die nöchschti Öberraschig uf öis gwartet. Mer hei es riiiiiise Zemmer met ere Chochi ond eme grosse Bad för öis ellei gha. Nacheme feine Nachtässe hei mers öis de im bequeme Bett gmüetlech gmacht ond hei no chli Olympia gluegt. Mer bechöme jo do ned eso vöu met vo däm Alass! Am Fritig si mer de no zu zwöi wonderschöne See greist. Damet mer zom erschte See hei chönne go, hei mer öbbe 2km „müesse" dore Sand stampfe. Die Aaschträngig het sech aber suuper glohnt. Mer si totau begeischteret gse vo dere Sanddüne-Landschaft!
Müed aberöber glöcklech si mer de z’Obe weder inHervey Bay acho, wo mer d‘ Nacht no i öisem fahrende Dehei verbrocht hei. Es esch soooo spannend, was mer do auses dörfe erläbe, mer gniesses eifach!!!
Auerliebschti Grüessli us em wonderschöne Australie Rolf und Denise
jetz reise mer de gli wiiter rechtig Brisbane, aber vorhär hei mer öich no chli öbbis vo öisem letschte Abentüür wöue verzöue. Mer si geschter z’Obe zrog cho vonere zwöitägige Tour uf der grösste Sandinsle vo dr Wäut, Fraser Island. Wättermässig hättis no chli besser chönne si, aber was mer gseh ond erläbt hei esch eifach traumhaft gse. Aber am beschte föi mer mou vo vore a: Am Donnschtig si mer do in Hervey Bay met eme Bus abghout worde ond si de per Fähri uf Fraser Island chauffiert worde. Dört hei mer de e 4x4 Car beschtege ond hei öisi gfüerti Tour gstartet. Z’erscht si mer i Rägewaud gange. Das esch wäuz schön gse ond mer hei riesigi Bäum gse, wo meh aus 600 Johr aut si. Denn het öis dr Wäg witer zumene krischtauklare Bach gfüehrt, wo mer drin hei chönne es Stöckli wiit laufe. Nachem Mettagässe si mer de no ane Ussichtsponkt gange, wo mer wörkli öber es grosses Teili vo dere Insle hei chönne luege. Ond zom Abschloss vom erschte Dag hei mer bim Schiffswrack „Maheno" e Stopp igleit. Das esch wäuz imposant gse. Denn si mer ines Hotel go öisi Zemmer bezieh. Dört het scho weder die nöchschti Öberraschig uf öis gwartet. Mer hei es riiiiiise Zemmer met ere Chochi ond eme grosse Bad för öis ellei gha. Nacheme feine Nachtässe hei mers öis de im bequeme Bett gmüetlech gmacht ond hei no chli Olympia gluegt. Mer bechöme jo do ned eso vöu met vo däm Alass! Am Fritig si mer de no zu zwöi wonderschöne See greist. Damet mer zom erschte See hei chönne go, hei mer öbbe 2km „müesse" dore Sand stampfe. Die Aaschträngig het sech aber suuper glohnt. Mer si totau begeischteret gse vo dere Sanddüne-Landschaft!
Müed aberöber glöcklech si mer de z’Obe weder inHervey Bay acho, wo mer d‘ Nacht no i öisem fahrende Dehei verbrocht hei. Es esch soooo spannend, was mer do auses dörfe erläbe, mer gniesses eifach!!!
Auerliebschti Grüessli us em wonderschöne Australie Rolf und Denise
Mittwoch, 20. August 2008
Endlech hets klappet...
Hoi Zaeme
etz hei mer weder einisch es paar Foeteli choene ufelade, dass esch e zangegebort gse!
Morn goei mer foer zwe Daeg uf Fraser Island, mer hoffe s Waetter macht ou met...
Wenn de usnahmswis aues klappet med em Internet, maeude mer eus am Samschtig weder.
Liebi Gruess Denise ond Rolf
etz hei mer weder einisch es paar Foeteli choene ufelade, dass esch e zangegebort gse!
Morn goei mer foer zwe Daeg uf Fraser Island, mer hoffe s Waetter macht ou met...
Wenn de usnahmswis aues klappet med em Internet, maeude mer eus am Samschtig weder.
Liebi Gruess Denise ond Rolf
Samstag, 16. August 2008
Zigünerläbe
Guguseli
Sed fasch eire woche simer med eusem büsli am omereise. I dere zit hei mer scho mängs schöns plätzli entdäckt. Am wonderschöne Mission Beach si mer fasch elei amene absolute Troumstrand gseh!
Bes etz hei mer emmer uf campingplätz öbernachtet ond euses fahrende dehei chei mer för s reise, wohne, schlofe, choche ond förs bier chautstöue bruche!
Onderdässe si mer in Arlie Beach ond verbrenge do es paar däg. Am fritig si mer uf ne bootstuur gange u hei drei insle, wo zo de whitsunday-insle ghöre, chöne go aluege. D stränd ai wonderschön gse us wasser türkisblau, eifach troumhaft…
Am obe choched Denise öppis feins u mer ässe vor eusem Camper, drenke es glässli rote ond gniesse eusi zit do.
Leider chei mer im Momänt grad keini Foeteli ufelade, mer wärde das aber nochehole...
Liebi Gruess vo de Zigüner
Denise ond Rolf
Sed fasch eire woche simer med eusem büsli am omereise. I dere zit hei mer scho mängs schöns plätzli entdäckt. Am wonderschöne Mission Beach si mer fasch elei amene absolute Troumstrand gseh!
Bes etz hei mer emmer uf campingplätz öbernachtet ond euses fahrende dehei chei mer för s reise, wohne, schlofe, choche ond förs bier chautstöue bruche!
Onderdässe si mer in Arlie Beach ond verbrenge do es paar däg. Am fritig si mer uf ne bootstuur gange u hei drei insle, wo zo de whitsunday-insle ghöre, chöne go aluege. D stränd ai wonderschön gse us wasser türkisblau, eifach troumhaft…
Am obe choched Denise öppis feins u mer ässe vor eusem Camper, drenke es glässli rote ond gniesse eusi zit do.
Leider chei mer im Momänt grad keini Foeteli ufelade, mer wärde das aber nochehole...
Liebi Gruess vo de Zigüner
Denise ond Rolf
Montag, 11. August 2008
s letschte weekend in Cairns
Hallo Zäme
Bevor as mer höt Cairns ond eusi homestay –family verlöi wei mer nomou öppis vo eus lo ghöre.
Am Samschtig si mer euse camper go hole, u hei jetz scho die erschti nacht drenne gschlofe. Es esch mega bequem u platz hei mer bes etz o uno gnue ;-)
Am Fritig hei mer s letscht mou schuel gha und zobe hei mer med de schuelkollege u der lehrere es feins BBQ a der lagune gha. U de heds de scho gheisse absched znäh. Onglaublech wie schnell as die zyt ome esch…
Am samschtig si mer fein go z`nacht ässe. Mer si ines australischs restaurant ond hei s erschte mou känguruh, krokodil ond emu gässe. Mmhhh, das esch mega fein gse!
Geschter si mer go touche. Das esch eifach der hammer gse!!! Mer hei inere chline groppe med eme guide zwe touchgäng chöne mache! Mer hei vöu verschedeni fesch gseh u mega schöni koralle. Uf em wäg as reef hei mer vom boot us es wahl päärli gseh, die si ums boot ome gschwomme u onde dore toucht, die hei äuä glich vöu freud a eus gha wie mer a ehne…
Und höt verlöi mer dä schön fläcke do u mache nis uf e euses zigüner-läbe. Es hed eus do riesig gfaue, ond es faut eus ned eso eifach das aues hender nis z loh!
Vo etz a gots de äuä aube chli länger bes mer weder öppis chei do ine schribe.
Liebi Grüess
Denise und Rolf
Bevor as mer höt Cairns ond eusi homestay –family verlöi wei mer nomou öppis vo eus lo ghöre.
Am Samschtig si mer euse camper go hole, u hei jetz scho die erschti nacht drenne gschlofe. Es esch mega bequem u platz hei mer bes etz o uno gnue ;-)
Am Fritig hei mer s letscht mou schuel gha und zobe hei mer med de schuelkollege u der lehrere es feins BBQ a der lagune gha. U de heds de scho gheisse absched znäh. Onglaublech wie schnell as die zyt ome esch…
Am samschtig si mer fein go z`nacht ässe. Mer si ines australischs restaurant ond hei s erschte mou känguruh, krokodil ond emu gässe. Mmhhh, das esch mega fein gse!
Geschter si mer go touche. Das esch eifach der hammer gse!!! Mer hei inere chline groppe med eme guide zwe touchgäng chöne mache! Mer hei vöu verschedeni fesch gseh u mega schöni koralle. Uf em wäg as reef hei mer vom boot us es wahl päärli gseh, die si ums boot ome gschwomme u onde dore toucht, die hei äuä glich vöu freud a eus gha wie mer a ehne…
Und höt verlöi mer dä schön fläcke do u mache nis uf e euses zigüner-läbe. Es hed eus do riesig gfaue, ond es faut eus ned eso eifach das aues hender nis z loh!
Vo etz a gots de äuä aube chli länger bes mer weder öppis chei do ine schribe.
Liebi Grüess
Denise und Rolf
Dienstag, 5. August 2008
abwaechsligsrichs Weekend
Heyhey
D`Zyt lauft ond lauft, esch onglaublech, dass mer jetz nome no 1 Woche in Cairns si. Oeis gfauts do waeuz guet, dass mer no lang do choennte bliibe. Es get sooooo voeu, wo me vo do us ir Omgaebig choennti mache. Aber leider laengt d1Zyt ned foer aues. Es get secher no so maengs schoens Plaetzli in Australie, wo uf oeis wartet...
Am letsche Samschtig si mer met em Scheff uf Fitzeroy Island gange. Das esch e chlini Insle i dr Noechi vo Cairns. Mer hei doert e Tour met em ne Glasbode-Scheff gmacht zom s`Koralle-Riff azluege ond hei Schnorchu-Usroeschtige gmietet. Es esch wie fascht emmer do schoens Waetter gse ond mer hei dr ganzi Tag met schnorchle ond soennele verbrocht. Mer si waeuz erschtuund gse, wie guet, dass me bim Schnorchle d`Koralle cha gse. Die Onterwasserwaut het oeis so beidrockt, dass mer oeis entschede hei, am noechschte Sonntig es Schnoppertauche am Great Barrier Reef z`mache.
Am Sonntig hei mer oeis de weder einisch met soennele ond bade i dr Lagune vergnuegt. Au das esch oeis no lang ned verleidet....
Am Maentig si mer de foer einisch ned id Schueu (yupiii), sondern hei met oeisere Homestay-Family e Usflog nach Cooktown gmacht. Dr Hewaeg si mer uf relativ guete Strosse gfahre ond si oebe nach 4 Stond Fahrt in Cooktown acho. Doert hei mer de am Hafe z`Mettag gaesse ond si nachhaer no is James Cook-Museum gange. (Esch emfau ned oeisi Idee gse...)
Ofem Heiwaeg hei mer oeise 4WD de woerkli brucht. Mer hei zwoesche dore ned gwoesst, oeb das woerkli no e Stross set si, wo mer druffe gfahre si. Mer si schlemmer aus oeber Stock ond Stei gfahre ond hei zwoesche dore au mou muesse e Bach dorquere. Es esch nis zwoeschedore chli vorcho wie innere Rally. Oeis hets nome einisch so rechtig doregschoettlet. Dr Yves het das Gfaehrt aber secher weder zrog nach Cairns gschtueret. Oeis esch zom erschte Mou so rechtig bewosst worde, wie gross as do d`Distanze si. I dr Schwiiz waere mer geschter locker is Tessin ond zrogg tuckeret...
Sonnigi Gruessli us Cairns
Rolf und Denise
D`Zyt lauft ond lauft, esch onglaublech, dass mer jetz nome no 1 Woche in Cairns si. Oeis gfauts do waeuz guet, dass mer no lang do choennte bliibe. Es get sooooo voeu, wo me vo do us ir Omgaebig choennti mache. Aber leider laengt d1Zyt ned foer aues. Es get secher no so maengs schoens Plaetzli in Australie, wo uf oeis wartet...
Am letsche Samschtig si mer met em Scheff uf Fitzeroy Island gange. Das esch e chlini Insle i dr Noechi vo Cairns. Mer hei doert e Tour met em ne Glasbode-Scheff gmacht zom s`Koralle-Riff azluege ond hei Schnorchu-Usroeschtige gmietet. Es esch wie fascht emmer do schoens Waetter gse ond mer hei dr ganzi Tag met schnorchle ond soennele verbrocht. Mer si waeuz erschtuund gse, wie guet, dass me bim Schnorchle d`Koralle cha gse. Die Onterwasserwaut het oeis so beidrockt, dass mer oeis entschede hei, am noechschte Sonntig es Schnoppertauche am Great Barrier Reef z`mache.
Am Sonntig hei mer oeis de weder einisch met soennele ond bade i dr Lagune vergnuegt. Au das esch oeis no lang ned verleidet....
Am Maentig si mer de foer einisch ned id Schueu (yupiii), sondern hei met oeisere Homestay-Family e Usflog nach Cooktown gmacht. Dr Hewaeg si mer uf relativ guete Strosse gfahre ond si oebe nach 4 Stond Fahrt in Cooktown acho. Doert hei mer de am Hafe z`Mettag gaesse ond si nachhaer no is James Cook-Museum gange. (Esch emfau ned oeisi Idee gse...)
Ofem Heiwaeg hei mer oeise 4WD de woerkli brucht. Mer hei zwoesche dore ned gwoesst, oeb das woerkli no e Stross set si, wo mer druffe gfahre si. Mer si schlemmer aus oeber Stock ond Stei gfahre ond hei zwoesche dore au mou muesse e Bach dorquere. Es esch nis zwoeschedore chli vorcho wie innere Rally. Oeis hets nome einisch so rechtig doregschoettlet. Dr Yves het das Gfaehrt aber secher weder zrog nach Cairns gschtueret. Oeis esch zom erschte Mou so rechtig bewosst worde, wie gross as do d`Distanze si. I dr Schwiiz waere mer geschter locker is Tessin ond zrogg tuckeret...
Sonnigi Gruessli us Cairns
Rolf und Denise
Dienstag, 29. Juli 2008
Weekend
Hey guys,
Es esch weder einisch a dr Zyt vo öisem Läbe in „Down Under“ z‘brechte.
Am Fritigmorge hei mer met öisere Klass e Bootstripp id „inlets“ gmacht. Dr Rouf het de Kahn secher usem Hafe gschtüüret ond de het au s‘Denise s’Stüür id Hand gno ond het gar ned emou so e schlächti Faue aus Kapitän gmacht…Der chöit öich säuber drvo öberzüge, es het nöii Föteli!
Am Samschtig hei mer met emne andere Päärli es Auto gmietet ond si es betz id Höchi (Tabellands) gfahre. Mer hei verschedeni Sehenswördigkeite agluegt (e Nationalpark, dr Wasserfau Davis Creek, bsonders auti Böim „Fig-Trees“,…) Mer hei super Wätter gha ond e wäuz schöne Tag metenand verbrocht. Wöu das andere Päärli vo dr Tschechei chonnt, hei mer de au dr ganzi Tag nome Englisch gredt metenand. Am Samschtig esch es de ändlech sowit gse: mer hei öisi erschte Känguruh in freier Wöudbahn gseh. Es esch eifach onglaublech ufregend, was mer do aues erläbe…
Am Sonntig esch de för einisch nüüt gse met lang schlofe. Mer hei met eme Schwoger vo öisem Homestay-Father, em Jean-Claude, metchönne go fische. Am 6-si am Morge esch är öis cho abhole ond de simer as Meer gfahre ond hei sis chline Fischerboot igwasseret. Es esch uuuu chaut gse aber mer heis totau gnosse ufem Wasser dr Sonneufgang z’beobachte. Nach längerem Warte esch de s’Onglaubleche wohr worde. S’Denise het e riese Fisch gfange ond ne säuber zum Boot zoge, natürlech met fachmännerischer Höuf vom Jean-Claude. Se het drbi no Glöck gha, dass se dr Fesch ned is Wasser zoge het! Mer hei de dä Fesch met hei gnoh ond dr Yves het ne de zum z’Nacht kochet. Hmmm esch auso e wäuz feine Fang gse…
Geschter hei mer öis nach däm „aschträngende“ Weekend e chli müesse erhole. Mer si met em Bus a Palm Cove-Strand gfahre ond hei e suuper schöne Nomitag am Strand verbrocht. S’Meer do esch sogar im Winter agnähm warm zum go bade. Es esch e herrlech schöne Sandstrand dört ond es het ganz vöu schöni Palme. Dor d’Woche esch dä Strand au gar ned öberlofe. Du chasch dis Tüechli usbreite wo du wotsch ond eifach i Sand leggä. Es get do keni Privat- oder Hotelstränd. Es esch eifach aues öffentlech, sehr gepflegt ond suuber. Grad e chli wie im Paradis!
So e glaube das esch weder mou gnue för höt. Ganz liebi Grüessli Rouf ond Denise
Es esch weder einisch a dr Zyt vo öisem Läbe in „Down Under“ z‘brechte.
Am Fritigmorge hei mer met öisere Klass e Bootstripp id „inlets“ gmacht. Dr Rouf het de Kahn secher usem Hafe gschtüüret ond de het au s‘Denise s’Stüür id Hand gno ond het gar ned emou so e schlächti Faue aus Kapitän gmacht…Der chöit öich säuber drvo öberzüge, es het nöii Föteli!
Am Samschtig hei mer met emne andere Päärli es Auto gmietet ond si es betz id Höchi (Tabellands) gfahre. Mer hei verschedeni Sehenswördigkeite agluegt (e Nationalpark, dr Wasserfau Davis Creek, bsonders auti Böim „Fig-Trees“,…) Mer hei super Wätter gha ond e wäuz schöne Tag metenand verbrocht. Wöu das andere Päärli vo dr Tschechei chonnt, hei mer de au dr ganzi Tag nome Englisch gredt metenand. Am Samschtig esch es de ändlech sowit gse: mer hei öisi erschte Känguruh in freier Wöudbahn gseh. Es esch eifach onglaublech ufregend, was mer do aues erläbe…
Am Sonntig esch de för einisch nüüt gse met lang schlofe. Mer hei met eme Schwoger vo öisem Homestay-Father, em Jean-Claude, metchönne go fische. Am 6-si am Morge esch är öis cho abhole ond de simer as Meer gfahre ond hei sis chline Fischerboot igwasseret. Es esch uuuu chaut gse aber mer heis totau gnosse ufem Wasser dr Sonneufgang z’beobachte. Nach längerem Warte esch de s’Onglaubleche wohr worde. S’Denise het e riese Fisch gfange ond ne säuber zum Boot zoge, natürlech met fachmännerischer Höuf vom Jean-Claude. Se het drbi no Glöck gha, dass se dr Fesch ned is Wasser zoge het! Mer hei de dä Fesch met hei gnoh ond dr Yves het ne de zum z’Nacht kochet. Hmmm esch auso e wäuz feine Fang gse…
Geschter hei mer öis nach däm „aschträngende“ Weekend e chli müesse erhole. Mer si met em Bus a Palm Cove-Strand gfahre ond hei e suuper schöne Nomitag am Strand verbrocht. S’Meer do esch sogar im Winter agnähm warm zum go bade. Es esch e herrlech schöne Sandstrand dört ond es het ganz vöu schöni Palme. Dor d’Woche esch dä Strand au gar ned öberlofe. Du chasch dis Tüechli usbreite wo du wotsch ond eifach i Sand leggä. Es get do keni Privat- oder Hotelstränd. Es esch eifach aues öffentlech, sehr gepflegt ond suuber. Grad e chli wie im Paradis!
So e glaube das esch weder mou gnue för höt. Ganz liebi Grüessli Rouf ond Denise
Donnerstag, 24. Juli 2008
Allerlei
Hallihallo,
Jetz hei mer grad weder noeii Foeteli uf oeise Blogg glade. So choeit der au einisch gseh, wo mer schoens wohne ond met waem as mer am letschte Sonntig es BBQ gha hei.
Dae BBQ-Event esch waeuz wetzig gse. Mer hei nis am 5-fi z`Obe bi dr Lagune am Strand met de andere vo dr Klass troffe ond hei nis de uf d`Suechi nachem e freie Grillplatz gmacht, waehrend die andere foer die ganzi Sipschaft dr Ichauf gmacht hei. Foer e Grillplatz muess me do ned emou oebis zahle. Do chame eifach haene cho ond s`Fleisch obdue... Esch waeuz praktisch ond onkompliziert!!! Mer hei e suuper wetzige Obe met dr Klass verbrocht ond hei ne de nachhaer imene Pub gmuetlech ond floessig lo usklinge.
Am Maentig hei mer i dr Schueu e raecht e happige Test gha. Mer hei beidi gmeint, dass mer ned eso guet abgschnette hei. Om so groesser esch de d`Oeberraschig gse, wo mer erfahre hei, dass mer a ahand vo daem Testresultat choei i die noechscht hoecheri Stufe waechsle. Mou luege oeb mer no metmoege...
Morn am Morge goei mer met dr Schueu ufene Bootstrip. Dr Rouf werd dr Kapitaen vo eim vo beidne Schiff si ond s`Denise esch chorzerhand aus si Vize bestemmt worde. Mer muesse morn e haub Stond vor de andere am Hafe si zum chli uebe. Das werd secher loschtig, wenn s`Denise das Boot duet schtuere...
Faus mer secher zrogg choeme ond vo keine Krokodil gfraesse waerde (do hets woerkli soettigi Vicher) loei mer gli weder oebis vo oeis lo ghoere.
sonnigi Gruessli us Australie Rolf ond Denise
Jetz hei mer grad weder noeii Foeteli uf oeise Blogg glade. So choeit der au einisch gseh, wo mer schoens wohne ond met waem as mer am letschte Sonntig es BBQ gha hei.
Dae BBQ-Event esch waeuz wetzig gse. Mer hei nis am 5-fi z`Obe bi dr Lagune am Strand met de andere vo dr Klass troffe ond hei nis de uf d`Suechi nachem e freie Grillplatz gmacht, waehrend die andere foer die ganzi Sipschaft dr Ichauf gmacht hei. Foer e Grillplatz muess me do ned emou oebis zahle. Do chame eifach haene cho ond s`Fleisch obdue... Esch waeuz praktisch ond onkompliziert!!! Mer hei e suuper wetzige Obe met dr Klass verbrocht ond hei ne de nachhaer imene Pub gmuetlech ond floessig lo usklinge.
Am Maentig hei mer i dr Schueu e raecht e happige Test gha. Mer hei beidi gmeint, dass mer ned eso guet abgschnette hei. Om so groesser esch de d`Oeberraschig gse, wo mer erfahre hei, dass mer a ahand vo daem Testresultat choei i die noechscht hoecheri Stufe waechsle. Mou luege oeb mer no metmoege...
Morn am Morge goei mer met dr Schueu ufene Bootstrip. Dr Rouf werd dr Kapitaen vo eim vo beidne Schiff si ond s`Denise esch chorzerhand aus si Vize bestemmt worde. Mer muesse morn e haub Stond vor de andere am Hafe si zum chli uebe. Das werd secher loschtig, wenn s`Denise das Boot duet schtuere...
Faus mer secher zrogg choeme ond vo keine Krokodil gfraesse waerde (do hets woerkli soettigi Vicher) loei mer gli weder oebis vo oeis lo ghoere.
sonnigi Gruessli us Australie Rolf ond Denise
Sonntag, 20. Juli 2008
langes Weekend
Hallo zaeme
am fritig hei mer do public holiday gha, drom hei mer ned ed schuel ,,muesse".
mer hei lang pfuuset spot z morge gno u si de gaege obe a d cairns-show. das esch oeppe wie d BEA oder d MUBA. S esch raecht loschtig u gwoessi sache si sehr speziell gseh...
Zom bispoeu doei die do aues praemiere, sogar s gmuess (siehe Fotos...)
Ou hei mer no es paar fotine usem rieserad gmacht, wie meh gseht darf me d schiischue ned id doere ha :-), tja d gondeli si haut us der schwiiz...
geschter hei mer lang pfuuset... naecher si mer zor lagoone, das esch so ne art gratis badi direkt am meer ah, rechtig cool. (me cha do ned direkt is meer, drom hei die das eso gloest...)
mer hei lang gsoennelt u ned emou e ha me verbroennt! am obe hei mer de onbedengt wele ,,dehei" si, schliesslech hed dr yves, uese homestay-father weder oepiss zom dinner zauberet, mmhhhh...
es esch no der homestay-mother eri schwoeschter med der familie cho, die si ou so rechtig nett u loschtig. velech chei mer noechscht sonntig med ehne uf ne bootstrip go krokdil luege u go angle, mer hoffe das klappet...
u hoet esch scho weder sonntig u mer hei lang pfuuset... ;-)
mer si med em yves uf em markt gseh u si etz nochli er city. am 5i hei mer med de schuelkollege zom BBQ abgmacht...
do chasch direkt ar lagune e grill miete, das werd secher loschtig.
mer woensche euch e schoeni zit
liebi gruess
denise ond rolf
am fritig hei mer do public holiday gha, drom hei mer ned ed schuel ,,muesse".
mer hei lang pfuuset spot z morge gno u si de gaege obe a d cairns-show. das esch oeppe wie d BEA oder d MUBA. S esch raecht loschtig u gwoessi sache si sehr speziell gseh...
Zom bispoeu doei die do aues praemiere, sogar s gmuess (siehe Fotos...)
Ou hei mer no es paar fotine usem rieserad gmacht, wie meh gseht darf me d schiischue ned id doere ha :-), tja d gondeli si haut us der schwiiz...
geschter hei mer lang pfuuset... naecher si mer zor lagoone, das esch so ne art gratis badi direkt am meer ah, rechtig cool. (me cha do ned direkt is meer, drom hei die das eso gloest...)
mer hei lang gsoennelt u ned emou e ha me verbroennt! am obe hei mer de onbedengt wele ,,dehei" si, schliesslech hed dr yves, uese homestay-father weder oepiss zom dinner zauberet, mmhhhh...
es esch no der homestay-mother eri schwoeschter med der familie cho, die si ou so rechtig nett u loschtig. velech chei mer noechscht sonntig med ehne uf ne bootstrip go krokdil luege u go angle, mer hoffe das klappet...
u hoet esch scho weder sonntig u mer hei lang pfuuset... ;-)
mer si med em yves uf em markt gseh u si etz nochli er city. am 5i hei mer med de schuelkollege zom BBQ abgmacht...
do chasch direkt ar lagune e grill miete, das werd secher loschtig.
mer woensche euch e schoeni zit
liebi gruess
denise ond rolf
Dienstag, 15. Juli 2008
at school
Hallihallo
Jetz droecke mer scho dr zwoeiti Dag d`Schueubank on es esch very funny. Mer si met ca. 10 Koreaner/Japaner, eim Tschech, zwoeine Spanier ond eire Schwizerin i dr Klass. Es esch waeuz spanned wenn me sech met dene verschedene Luet duet onterhaute. Es esch aber au e grossi Useforderig die Asiate z`verschtoh... Damet mer am Morge i dr Schueu au fit ond monter si, radle mer jede Dag 20 min met oeisne bikes zur Schueu. Au das esch ned emmer ganz eifach. Do herrscht Linksverchehr ond das esch foer oeis no noeiland!!!
Momentan raegnets grad bi oeis, aber es esch do trotzdaem gnue warm zom i de Flippflopps ond de chorze Hose omezlaufe. Am Donnschtig sett de s`Waetter weder besser si. De het Cairns oebrigens es grosses Fescht. Ond foer aui esch public holiday, das heisst no school on Friday!!!
Greetings, rouf ond denise
Jetz droecke mer scho dr zwoeiti Dag d`Schueubank on es esch very funny. Mer si met ca. 10 Koreaner/Japaner, eim Tschech, zwoeine Spanier ond eire Schwizerin i dr Klass. Es esch waeuz spanned wenn me sech met dene verschedene Luet duet onterhaute. Es esch aber au e grossi Useforderig die Asiate z`verschtoh... Damet mer am Morge i dr Schueu au fit ond monter si, radle mer jede Dag 20 min met oeisne bikes zur Schueu. Au das esch ned emmer ganz eifach. Do herrscht Linksverchehr ond das esch foer oeis no noeiland!!!
Momentan raegnets grad bi oeis, aber es esch do trotzdaem gnue warm zom i de Flippflopps ond de chorze Hose omezlaufe. Am Donnschtig sett de s`Waetter weder besser si. De het Cairns oebrigens es grosses Fescht. Ond foer aui esch public holiday, das heisst no school on Friday!!!
Greetings, rouf ond denise
Montag, 14. Juli 2008
Welcom to Cairns
Heyhey,
Jetz si mer scho sett drüü Dag in Australie ond mer hei öis scho wäuz guet igläbt. Mer si do in Cairns härzlech bi öisere homestay-family empfange worde. Dr Yves, öise homestay-father esch 64 johr aut, d’Marielle sini frau esch es Johr jönger. Mer wohne do imene praktisch igrechtete Zenmmer met Färnseh (natürlech nome met australische Sänder). Mer hei öises eigete Bad ond läbe im EG i öisem eigete Riich. D’Marielle ond dr Yves hei sooooooooo härzegi Grosschend, wo im Huus i ond us göi. Mer si no flissig dra die 12 nöie Näme z‘lehrä. Dr Yves bechocht öis jede obe met eme wäuz feine Menu, hmmm. Mer hoffe, dass öis nach däm Monet d’Hose no passe….
Obwou mer erscht set ere chorze Zyt in Down Under si, hei mer scho so einiges erläbt:
Am öisem erschte Obe het dr Yves öis vorem is Bett go vorgfüehrt, wie är die grosse Frösch i sim Garte los werd. Er schpöut e Art Golf met ehne…
A öisem zwöite Dag si mer met em Yves a Markt in Cairns. Onglaublech wie gross d’Uswahl a fröschem Gmües ond Fröcht do esch. Mer hei nome gschtuuned. Do wird sogar dr Rouf zum Frochtässer J! Denn si mer no chli am Hafe on dem Strand/ dr Lagune noche gloffe ond hei e XXL Glace gässe, öbwou do Winter esch. Dr Yves ond d’Marielle jommere öbe Mou öber die chaute Temperature. Emmerhin esch es nome öbe zwösche 25 ond 30 Grad warm. Die müesse do z’Obe Pullover ond langi Hose aleggä, damet si ned verfrüüre…
Höt si mer met öisne homestay-parents nach Kuranda gfahre. Dört hei mer dr Rägewaud ond e beidrockende Wasserfall (Barron Falls)gse. Im Momänt het de Wasserfau ned so vöu Wasser wöu do zur Zyt Trochezyt esch. I dr Rägezyt mues es es gwautigs Naturspektaku si.
So jetz müesse mer langsam ufhöre söscht get das no e Roman ond bi öis esch scho gli Zyt för s’Bett. Schliesslech hei mer morn Grosses vor, öise erschti Schueudag stoht ufem Programm!!!
Greetings vom Rouf ond Denise
Jetz si mer scho sett drüü Dag in Australie ond mer hei öis scho wäuz guet igläbt. Mer si do in Cairns härzlech bi öisere homestay-family empfange worde. Dr Yves, öise homestay-father esch 64 johr aut, d’Marielle sini frau esch es Johr jönger. Mer wohne do imene praktisch igrechtete Zenmmer met Färnseh (natürlech nome met australische Sänder). Mer hei öises eigete Bad ond läbe im EG i öisem eigete Riich. D’Marielle ond dr Yves hei sooooooooo härzegi Grosschend, wo im Huus i ond us göi. Mer si no flissig dra die 12 nöie Näme z‘lehrä. Dr Yves bechocht öis jede obe met eme wäuz feine Menu, hmmm. Mer hoffe, dass öis nach däm Monet d’Hose no passe….
Obwou mer erscht set ere chorze Zyt in Down Under si, hei mer scho so einiges erläbt:
Am öisem erschte Obe het dr Yves öis vorem is Bett go vorgfüehrt, wie är die grosse Frösch i sim Garte los werd. Er schpöut e Art Golf met ehne…
A öisem zwöite Dag si mer met em Yves a Markt in Cairns. Onglaublech wie gross d’Uswahl a fröschem Gmües ond Fröcht do esch. Mer hei nome gschtuuned. Do wird sogar dr Rouf zum Frochtässer J! Denn si mer no chli am Hafe on dem Strand/ dr Lagune noche gloffe ond hei e XXL Glace gässe, öbwou do Winter esch. Dr Yves ond d’Marielle jommere öbe Mou öber die chaute Temperature. Emmerhin esch es nome öbe zwösche 25 ond 30 Grad warm. Die müesse do z’Obe Pullover ond langi Hose aleggä, damet si ned verfrüüre…
Höt si mer met öisne homestay-parents nach Kuranda gfahre. Dört hei mer dr Rägewaud ond e beidrockende Wasserfall (Barron Falls)gse. Im Momänt het de Wasserfau ned so vöu Wasser wöu do zur Zyt Trochezyt esch. I dr Rägezyt mues es es gwautigs Naturspektaku si.
So jetz müesse mer langsam ufhöre söscht get das no e Roman ond bi öis esch scho gli Zyt för s’Bett. Schliesslech hei mer morn Grosses vor, öise erschti Schueudag stoht ufem Programm!!!
Greetings vom Rouf ond Denise
Donnerstag, 10. Juli 2008
In Singapur...
Gugus
Vor öppe anderhaub stond si mer secher in singapur glandet. mer hei e ruehige flog gha und so rechtig chöne schloffe. do esch es em momänt nach de achtne zobe u scho donku. aber dosse esch es emmer no dröckend heiss. klar müesst me ned use; aaaaaber: do osse heds e kaktus garte med ere bar. me esch emmer no uf em floghafe gländ, aber zmetz em grüene u cha öppis chüels drenke, mmmhhhh...
Vor öppe anderhaub stond si mer secher in singapur glandet. mer hei e ruehige flog gha und so rechtig chöne schloffe. do esch es em momänt nach de achtne zobe u scho donku. aber dosse esch es emmer no dröckend heiss. klar müesst me ned use; aaaaaber: do osse heds e kaktus garte med ere bar. me esch emmer no uf em floghafe gländ, aber zmetz em grüene u cha öppis chüels drenke, mmmhhhh...
i zwe stond god üse vorläufig letscht flog rechtig cairns, u e öbbe 10 stond werde mer s erscht mou e fuess uf austrlische bode setze...
mer wönsche üch e schöni zit u bes zom nöchschte iitrag...
liebe gruess, denis u rolf
Sonntag, 8. Juni 2008
... aller Anfang ist schwer!
So langsam nähme üsi Vorbereitige emmer konkreteri Forme a...
Während dem as näbebi d Fuessbal-EM louft si mer ganz fliessig gse:
Mer hei üsi Packlischte ufgsetzt u s Internet nach witere Informatione dorchkämmt, die erschte Föteli und Videos uf e Laptop glade u gluegt öb u wie das fonktioniert.
Bes etz klappets ;-)
Morn esch scho weder Mändig u drom göi mer langsam is Bett, schliesslech gots no 4 Woche bes mer Ferie hei u bes denn muess ou em Chendsgi u em Gschäft no einiges erledigt wärde.
Während dem as näbebi d Fuessbal-EM louft si mer ganz fliessig gse:
Mer hei üsi Packlischte ufgsetzt u s Internet nach witere Informatione dorchkämmt, die erschte Föteli und Videos uf e Laptop glade u gluegt öb u wie das fonktioniert.
Bes etz klappets ;-)
Morn esch scho weder Mändig u drom göi mer langsam is Bett, schliesslech gots no 4 Woche bes mer Ferie hei u bes denn muess ou em Chendsgi u em Gschäft no einiges erledigt wärde.
Abonnieren
Posts (Atom)
